I got this from a journal from the Philippines this morning andthis is no joke. Just warning all the wives out there!(including me!) August 15, 2007 05:37 PM Wednesday
Article read 494 time(s)
'Misis' tumanggi sa sex, pinatay ng 'mister'!
By: Gil Aman
DAHIL sa matinding galit nang hindi mapagbigyan sa pakikipagtalik, sinakal ng mister ang kanyang misis hanggang sa mapatay sa kanilang tahanan sa Barangay Sta Maria, San Pablo Cit, kamakalawa ng madaling araw.
Kinilala ni P/SSupt. Felipe Rojas Jr, Provincial Director ng Laguna PNP, ang biktimang si Salvacion Manlapaz, 34, tubong Masbate at residente ng nasabing lungsod. Maitim na umano at wala nang buhay nang lubayan nito ng sakal ang asawa.
Arestado ang suspect na si Diony Manlapaz, 33, magsasaka, nang ipagta-pat sa kapatid ang ginawa sa misis. Sising-sisi ito ngayon sa ginawang pagpatay sa biktima.
Sa imbestigasyon ng San Pablo City police, nabatid na apat na buwan umanong nagbakasyon ang biktima sa kanilang probinsiya sa Palawan dahilan para kasabikan ng mister ang pinakasasabikang pagtatalik nito.
Kamakalawa umano ay bumalik ang misis galling sa pagbabakasyon at kahit umano gigil na gigil na mister sa asawa ay hinintay pa nitong makatulog ang lahat ng anim na anak upang makapag-sex sa misis.
Gayon man, sa unang tangka pa lamang ng mister ay tumanggi na agad ang biktima dahil pagod umano ito sa biyahe at nagpaliwanag na wala siya sa mood sa pakikipagtalik.
Dahil dito, isang mainitang pagtatalo ang naganap hanggang sa mauwi sa pananakit. Sinabi ng suspect na lubos umano ang awang naramdaman niya sa sarili nang tanggihan siya ng misis at inaming nagduda siya na may ibang lalaking gusto ang kanyang asawa.
Nagdilim na umano ang kanyang isip sa labis na selos, hinila niya sa silid ang misis, tinakpan ng unan ang mukha saka sinakal nang todo.
Nanlalaban umano ang biktima subalit hindi umano ito naging dahilan para itigil niya ang pananakal hanggang sa manlupaypay at tuluyang mamatay ang asawa.
Matapos nito ay lumabas ng bahay ang suspect saka ikinuwento sa kanyang kapatid ang pangyayari bandang alas-4 ng madaling araw kahapon. Agad namang ipinaaresto ng kapatid ang suspect.
Kasong parricide ang isinampang kaso ng pulisya laban sa suspect na kasalukuyang nakakulong sa San Pablo City Jail.
Lesson? NEVER SAY NO OR YOU WONT LIVE TO SEE TOMORROW!